بسمة بوسيل: "حبي لتامر حسني كان أكبر بكتير لحبي

بسمة بوسيل:
(اخر تعديل 2024-03-24 22:36:02 )

كتبت - سهيلة أسامة:

تحدثت المطربة بسمة بوسيل خلال لقائها ببرنامج "على المسرح" عن بدايتها في ستار أكاديمي، وزواجها من الفنان تامر حسني.

وقالت بسمة: "ستار أكاديمي كان حلم طفولي بالنسبالي، بس مكنتش عارفة أن أنا أشوفه بصورة كبيرة، وروحت ستار أكاديمي وعملت كل اللي نفسي فيه، بس مكنتش ماسكة في حلمي أوي، فعلشان كدة بعتبره طفولي".

وتابعت: "في ستار أكاديمي كنت عارفة اني رايحة علشان أتعلم، وكنت حاسة أن فرصتي قليلة في أن أنا أكسب، ومش مشكلة أني مكسبتش.. التجربة أهم، وكأني كنت رايحة أعمل كورس مكثف، ستار أكاديمي بيدي شهرة بس مش حقيقية أوي".

واستكملت: "أنا لما جيت مصر أحلامي تحققت ولقيت حب حياتي، وفي نفس الوقت كنت بعمل الألبوم بتاعي مع محسن جابر المسئول الفني عن الألبوم، بس حسيت ساعتها أن أنا عايزة أتجوز أكتر، حبي لتامر كان أكبر بكتير لحبي للغنا".

وأضافت: "الناس أتفاجئت، وكان في حملات غريبة على الانترنت، وطبيعي هبقى زعلانة أن حد بيتكلم عني بطريقة مش كويسة، فكان لازم يحميني، وكنت ساعتها حاسة أن أنا خايفة".